Xüsusi gün üçün qonaqlarınıza unudulmaz bir stolmu  hazırlamaq istəyirsiniz? Hazırladığınız süfrə təqdimatlarında nəyinsə əskik olduğunu və ya adi olduğunu düşünür, lakin dəbdəbəli yemək stolunuzu necə bəzəyəcəyinizi bilmirsiniz? Stolunuzu bəzəmək üçün yeni və yaradıcı ideyalara ehtiyacınız mı var? Elə isə bir-birindən müasir stol dizaynlarının nümunələri...


E

vinizdə edəcəyiniz bir nişan məclisi və ya  Yeni il gecəsi, yaxud ad günü, ya da xüsusi qonaqlarınız üçün hər hansı bir yemək tədbiri olsun... Unudulmaz bir yemək dəvəti üçün hazırladığınız ləzzətli menu qədər diqqətlə hazırladığınız bu ləzizz yeməkləri necə təqdim etdiyiniz bir o qədər vacibdir.  Bu yazıda siz yemək stolunu bəzəyərkən ilham ala biləcəyiniz, zərif və müasir stol dizaynlarının nümunələrini tapa bilərsiniz. Qonaqlarınıza dəbdəbəli restoranda olduqlarını hiss etdirəcək dəbli və qonaqpərvər yemək masası təşkil etməyin nümunələrini öyrənməyə hazırsınızmı?

1.    Masanıza Qızılı Tonları Əlavə Edin


Süfrə bəzəyərkən, çiçəklər və yaşıllıqlardan yaradacağınız bir mərkəz nöqtəsi, həmçinin qızılı, gümüşü kimi tonlarında aksesuarlar istifadə edərək gözəl və möhtəşəm görünüm yarada bilərsiniz. Yalnız Süfrə çiçəyinizi tərtib edərkən qırmızı və yaşılın klassik çalarlarından istifadə etmək əvəzinə, tünd qırmızı, gavalı və ya bənövşəyi kimi tünd tonları seçməyə diqqət edin. Beləliklə, xüsusi günləriniz üçün nəcib və zəngin görünüşlü süfrə əldə edə bilərsiniz.

2.    Süfrənizi Yaşıllıqlarla Bəzəyin



Bağçanızdan toplayacağınız yaşıllıqları qarışdırıb, aralarına şamlar yerləşdirərək göstərişli bir süfrə dizaynı tərtib edə bilərsiniz. Əgər təzə yaşıllıqlar tapa bilmirsinizsə, real görünən saxta versiyalarından da istifadə edə bilərsiniz. Etdiyiniz dizaynı pambıqlı və ya kətan bir örtuk üzərinə yerləşdirib, tamamilə ağ boşqablarla uyğunlaşdırın. Yaşıl və ağın gözəl harmoniyası dekorunuzu daha da ön plana çıxaracaqdır. Siz həmçinin qızılı tonlarda bir çəngəl, bıçaq dəsti istifadə edərək təmiz, qəşəng və müasir masa bəzəyi yarada bilərsiniz.

3.    Yemək Qab Qacaqlarında Neytral Rəngləri Bir-birinə Qarışdırın


Boz, açıq çəhrayı, krem rəng və qaranın yumşaq çalarlarının birləşməsi klassik bir dizayin içərisində istifadə edildikdə son dərəcə yüksək keyfiyyətli və mürəkkəb effekt yaradır. Görünüşü daha da zənginləşdirmək üçün masanıza müxtəlif ölçülü və rənglərdə pastel rəngli konik şamlar və şəffaf şüşə qablar əlavə edə bilərsiniz. Burada vacib olan neytral tonlardan istifadə etməkdir.

4. Masanızı qeyri-adi bitkilərlə diqqət mərkəzinə çevirin


Yenilikçi süfrə yaratmaq üçün masanızın ortasına klassik bir vazaya çiçəklər qoymaq əvəzinə, bir sıra ekzotik bitkilər yerləşdirin. Məsələn, az qulluq tələb edən kiçik sukkulentləri və ya rozmarin yaxud kəklikotu kimi yeməli bitkiləri seçə bilərsiniz. Hətta yeməyin sonunda bir jest olaraq qonaqlarınıza süfrənizdən kiçik bir bitki hədiyyə edə bilərsiniz.

5. Yumşaq İşıqlandırmaya Üstünlük Verin


Düzgün edilmiş bir işıqlandırma isti və cəlbedici bir mühit yaratmaq üçün ən vacib amillərdən biridir. Bu səbəbdən yemək süfrənizi bəzəyərkən həddindən artıq parlaq ağ işıq lampaları yerinə yumşaq və sarı işıqlı kulon seçməlisiniz. Edəcəyiniz strateji işıqlandırma ilə yanaşı, yemək masasına yerləşdirdiyiniz şamlar da istədiyiniz atmosferi yaratmağınıza kömək edəcək.

6. Mövsümi meyvələri və ətirli yarpaqları qarışdırın


Rəngarəng mövsüm meyvələri ilə birlikdə təzə dəfnə yarpağı kimi gözəl ətirli, lakin vizual effekti zəif olan bitkilərdən istifadə edərək yemək süfrənizi orijinal və ətirli dekorla bəzəyə bilərsiniz.

7. Masanızın Mərkəzini Vurgulayın


Yuxarıdakı nümunədə, sıx və alçaq ağ siklamen cicəyi ilə masanın ortasında  mərkəz nöqtəsi yaradılmışdır. Beləliklə, bu ənənəvi və monoxrom masa dekorasiyasında müasir və təravətli ab-hava yaradılıb.

8.Tünd masa örtüsündən istifadə edin


Masanızda təəccüblü və dramatik təsir yaratmaq üçün süfrənizdə tünd göy, yaşıl və ya dumanlı kimi tünd və iddialı rəngləri seçməlisiniz. Beləcə ağ qab-qacaq və metal çəngəl bıçaqlarınızın necə canlanacağına və gözə çarpacağına, yaranan atmosferə inanmayacaqsınız.

Ümid edirik ki, yuxarıdakı müasir masa dizayn nümunələrindən zövq aldınız. Siz də yuxarıdakı təkliflərdən ilhamlanaraq, süfrələrinizdə iddialı rəng birləşmələrini sınaya bilər, süfrənizdə bəzək kimi qeyri-adi materiallardan istifadə edə bilərsiniz. Bunları edərkən, masanızı boş bir kətan kimi təsəvvür edin və daxili rəssamlığınızı azad edin. Daha sonra isə öz yaradıcı təcrübələrinizi bizimlə paylaşın.